Dir Dammen an dir Häre Geschäftsleit,
déi gréng Eechternoach wëllen Iech eng schéin an erfollegräich Braderie wënschen!
Mir wëssen, datt besonnesch eisen Eenzelhandel erëm eng flott an attraktiv Stad brauch, wou ee gären higeet a sech wuelfillt.
Mir wëllen dozou bäidroen, datt Eechternoach als Akafszentrum an der Regioun un Attraktivitéit gewënnt. Domat schaffe mer lokal Aarbechtsplaze fir d’Bierger an hirer Gemeng an eng wirtschaftlech Entwécklung um lokalen Niveau.
déi gréng Eechternoach sti fir esou eng gutt Entwécklung vun eiser Stad.
Mir wëlle mat Iech zesummen der an de leschte Joeren ëmmer méi staark opkommender Konkurrenz (Hypermarché, Online-Akaaf, Efforen vu ville Gemengen an eiser Regioun) offensiv a professionell entgéint wierken.
Eechternoach huet e grousst Potential vu lokalen a regionalen Stärkten, dat net genügend a konsequent genotzt gëtt.
Mir erlaben eis an de kommende Wochen eis Virstellungen an Är Propose fir eng gutt Entwécklung vun Eechternoach mat Iech ze beschwätzen.
An deem Sënn, eng flott Braderie.
Mat beschte Gréiss,
déi gréng Eechternoach
